1. 知道新居面積同您想要嘅格局
有不少首次裝修嘅人都唔太清楚新屋面積同想要啲咩格局。知道要啲咩格局同面積係非常重要㗎！千萬唔好「好似、約莫、大概」就算，如果用呢個想法去做裝修，你嘅裝修會好易失敗，仲分分鐘會超支。
例如：喜歡開放式空間，就要留意新屋主力牆位置，主力牆係拆不得㗎！
2. 搵合適嘅參考圖
裝修前上網搵參考圖無問題，但你真搵得正確嗎？室內設計師成日都講，有啲業主拎住同原有格局差很遠嘅參考圖像比佢，事實根本就做唔到。除非你有一大筆預算大動格局，否則我哋建議你依現有格局搵參考圖。
裝修新手嘅您，可能唔知去邊搵參考圖。可先以依空間搵，如客廳方位或門坐向類似、廚房位置與現有格局相同等。至於室內設計風格，先直接從自己喜歡嘅顏色開始。先按呢個方向整理好參考圖庫，減少與設計師/裝修師父前期嘅溝通障礙，甚至令設計師/裝修師父更了解嘅您想法同喜好。
3. 最重要一步: 思考舊有屋企有咩可以唔要！
第一次裝修嘅您，通常會諗舊有屋企有咩物品，再同設計師/裝修師父商量要幾多收納位置。但既然有機會比自己一個全新嘅家，何不「斷捨離」呢？過多嘅收納位置會讓空間看起窄小，更可能令您堆積一堆不必要嘅雜物。不如趁呢個機會檢視一下自己到底有幾多嘢可以唔要啦！